![\"\"](\"https://www.aravot.am/2011/aravot_arm/June/14/p1.jpg\")
![\"\"](\"https://www.aravot.am/2011/aravot_arm/June/14/p1-2.jpg\")
Երեկ ականատես եղանք, թե ինչպես էին ՀՀ արդարադատության նախարարության Դատական ակտերի հարկադիր կատարման ծառայության աշխատակիցները Երեւանի Հալաբյան փողոցում կատարում ճանապարհային ոստիկանության ուղեկցող վաշտի աշխատակցի դերը: ԴԱՀԿ երկու աշխատակից կարմիր դրոշակներով Հալաբյան փողոցի վրա ՀՀ արդարադատության նախարարության եւ ԴԱՀԿ շենքի դիմաց կանգնեցնում էին ավտոմեքենաները: Պարզվեց, որ ԴԱՀԿ վարչական տարածքից դուրս էր գալիս «Մերսեդես 550» մակնիշի 500 ԼՏ 10 համարանիշի ավտոմեքենան, որը սպասարկում է ԴԱՀԿ պետ Միհրան Պողոսյանին՝ «Քեթրինի Միհրանին»: Նույն շենքում աշխատում է նաեւ արդարադատության նախարար Հրայր Թովմասյանը, որի համար, սակայն, ըստ ականատեսների, Հալաբյան փողոցը կաթվածահար չի լինում:
