![\"\"](\"https://www.aravot.am/2011/aravot_arm/June/11/p21.jpg\")
Քսենյա Սոբչակը նոր սեր ունի: Փաստորեն, հեռուստահաղորդավարուհին երկար մենակ չմնաց ու չտխրեց պատգամավոր Սերգեյ Կապկովից հեռանալուց հետո. բաժանումից հետո նա հանդիպում էր «Պրակտիկա» թատրոնի ռեժիսոր Էդուարդ Բայակովի հետ:
![\"\"](\"https://www.aravot.am/2011/aravot_arm/June/11/p22.jpg\")
46-ամյա ռեժիսոր, «Ոսկե դիմակ» թատերական փառատոնի հիմնադիր Բայակովին Սոբչակը պատահական է հանդիպել: Ընկերների խորհրդով՝ Քսենյան նոր օգնական էձեռք բերում. Սոնյան՝ Քսենյայի օգնականը, Բայակովի դուստրն է: Վերջերս Սոբչակին հաճախակի կարելի է տեսնել Բայակովի հետ՝ ոչ միայն «Պրակտիկա» թատրոնում, այլ նաեւ ռեստորաններում:
Ռուսական ԶԼՄ-ները գրում են՝ Էդուարդը գեղեցիկ աղջիկների սիրահար է: Նա սիրավեպ է ունեցել դերասանուհի Եկատերինա Վոլկովայի եւ կինոաստղ Քսենյա Ռապորտի հետ:
Սակայն Սոբչակն ինքը ժխտում է խոսակցություններն իր նոր սիրավեպի մասին. «Ես չեմ ուզում հրապարակել իմ անձնական կյանքը: Դա այն միակ բանն է, հանուն որի կարելի է ու պետք է թողնել ամեն ինչ: Դա այն է, ինչի համար մենք գոյություն ունենք»:
Խոսակցություններ կան, որ հենց Էդուարդի համար Քսենյան հեռացավ Կապկովից, ում ապարանքում էլ համարյա մեկ տարի ապրում էր:
