![\"\"](\"https://www.aravot.am/2011/aravot_arm/June/10/p28.jpg\")
Լոս Անջելեսում անցկացվեց «MTV movie awards» կինոփառատոնի 20-րդ մրցանակաբաշխությունը: Արդեն երրորդ տարին անընդմեջ հանդիսատեսը լավագույն ֆիլմ է հայտարարում «Сумерки» ռոմանտիկ թրիլերը: Ըստ glamour.ru-ի՝ ֆիլմի գլխավոր հերոսները` Ռոբերտ Պատինսոնն ու Քրիստեն Ստյուարդը, ճանաչվեցին լավագույն դերասաններ: Նրանք նաեւ մրցանակ ստացան ամենագեղեցիկ համբույրի համար: Ճիշտ է` դահլիճում Ռոբերտը հրաժարվեց համբուրել ընկերուհուն, սակայն դրա փոխարեն նա շատ կրքոտ համբուրեց դահլիճում ![\"\"](\"https://www.aravot.am/2011/aravot_arm/June/10/p29.jpg\")
ներկա տղաներից մեկին: «Լավագույն ֆիլմի» անվանակարգում «Сумерки»-ի ![\"\"](\"https://www.aravot.am/2011/aravot_arm/June/10/p30.jpg\")
հետ միասին ներկայացված էին Դարեն Արոնովսկու «Սեւ կարապ», Դեյվիդ Ֆինչերի «Սոցիալական կայք», Քրիստոֆեր Նոլանի «Սկիզբ» եւ Դեյվիդ Հեյմանի «Հարի Փոթեր» ֆիլմերը: Անցկացվել է հեռախոսային եւ ինտերնետային քվեարկություն, որին մասնակցել է 15 միլիոն հեռուստադիտող:
«Լավագույն դերասան» անվանակարգում Ռոբերտի հետ միասին ներկայացված էին «Հարի Փոթեր» ֆիլմի դերասան Դանիել Ռեդքլիֆը, Ջեսի Այզենբերգը, Զակ Էֆրոն եւ » ֆիլմի դերասան Թեյլոր Լոտները: Իսկ «Լավագույն դերասանուհի» անվանակարգում Քրիստենի հետ մրցակցում էին այնպիսի դերասանուհիներ, ինչպիսիք են Նատալի Փորտմանը՝ «Սեւ կարապ» ֆիլմից, Էմմա Սթոունը՝ «Թեթեւամիտ վարքով գերազանցիկը» կատակերգությունից:
Ամեն տարի անցկացվող այս կինոփառատոնը MTV հեռուստաալիքի կողմից «Օսկար» մրցանակաբաշխության հետ անհամեմատելի է: Այստեղ հաղթող դերասանները ոչ թե համարվում են պրոֆեսիոնալներ, այլ ընտրյալներ` MTV երիտասարդական, երաժշտական ալիքի դիտորդների կողմից:
