Ռուսաստանը կրկնակի կրճատել է ֆինանսական ճգնաժամ ապրող Բելառուսին էլեկտրաէներգիայի մատակարարումը, որից հետո Մինսկը իր նախաձեռնությամբ դադարեցրել է Ուկրաինայից էլեկտրաէներգիայի ներմուծումը:
Reuters-ի մատուցմամբ, Ռուսաստանն այդ քայլը պայմանավորել է 1,5 մլրդ ռուբլու պարտք ունենալու պատճառով եւ սպառնացել է այն ամբողջությամբ դադարեցնել, եթե Բելառուսը մինչեւ հունիսի 19-ը պարտքերը չմարի: Այդ մասին ասել է ոլորտում մենաշնորհ ունեցող «ԻնտերՌԱՕ» էլեկտրաէներգիա արտահանող ընկերության ներկայացուցիչը: Նրա տվյալներով, Բելառուսը այդ պարտքերը ընկերության նկատմամբ կուտակել է մարտ-ապրիլ ամիսներին:
