Ըստ edu.am-ի, ՀՀ կրթության եւ գիտության նախարարությունը, կարեւորելով ոլորտում իրականացվող գործընթացների թափանցիկության եւ հրապարակայնության ապահովումը, միաժամանակ արձագանքելով ԶԼՄ հրապարակումներին, տեղեկացնում է, որ 2011թ. փետրվարի 18-ից հունիսի 8-ը ընկած ժամանակահատվածում նախարարության հանրակրթական ուսումնական հաստատության ղեկավարման իրավունքի (հավաստագրի) համար քննություն հանձնած հավակնորդներից հավաստագիր են ստացել 385 տնօրեն եւ 131 տնօրենի պաշտոնակատար: Նշված ժամանակահատվածում քննություն հանձնած հավակնորդներից հավաստագիր չեն ստացել 61 գործող տնօրեն եւ 33 տնօրենի պաշտոնակատար:
