Բաճկոնը, որը Մայքլ Ջեքսոնը կրել է իր «Thriller» տեսահոլովակի նկարահանման ժամանակ, վաճառքի է հանվելու:
Նմանատիպ իրերի վաճառքի կազմակերպիչը՝ Դարեն Ջուլիենը, հայտարարել է, որ Մայքլ Ջեքսոնի բաճկոնը դառնալու է աշխարհում ամենաթանկ վաճառվող իրը: Բաճկոնի նախնական գինը 200 հազար ամերիկյան դոլար է լինելու: Աճուրդի մասնակիցները, բացի բաճկոնից, կարող են գնել նաեւ Ջեքսոնին պատկանող այլ իրեր: Օրինակ՝ նրա շապիկը, որը հագել էր «Scream» տեսահոլովակի նկարահանման ժամանակ: Show.oboz.ua-ի փոխանցմամբ՝ աճուրդին կլինեն ոչ միայն Մայքլ Ջեքսոնի իրերը: Մասնակիցները կարող են հիանալ կամ գնել հանրաճանաչ ու սիրված այլ աստղերի իրերից, ասենք՝ Էրիկ Կլեպտոնի կիթառը:
Աճուրդն անցկացվելու է հունիսի 25-ին եւ 26-ին, Լոս Անջելես քաղաքում:
