Թուրքիայի վարչապետ Ռեջեփ Թայիբ Էրդողանը երկրում կայանալիք խորհրդարանական ընտրություններից օրեր առաջ վերանայել է նախարարությունների քանակն ու գործառույթները: Այդ մասին հաղորդում է news.am-ը՝ վկայակոչելով թուրքական Hurriyet-ը: Աղբյուրի փոխանցմամբ, Թուրքիայի նախարարների խորհուրդն այսուհետեւ կունենա 25 անդամ՝ վարչապետն ու 4 փոխվարչապետ եւ 20 նախարար: Վերացվել է 8 նախարարություն, որոնց փոխարեն ստեղծվել է 6 նորը:
Հունիսի 12-ից հետո ստեղծվելիք նոր նախարարությունները հետեւյալն են. Ընտանիքի եւ սոցիալական քաղաքականության, Եվրամիության, Էկոնոմիկայի, Սպորտի եւ երիտասարդության, Մաքսային եւ առեւտրի եւ Զարգացման:
