BBC-ի մատուցմամբ, ՌԴ վարչապետ Վլադիմիր Պուտինի նախաձեռնությամբ ստեղծված Համառուսաստանյան ժողովրդական ճակատի շուրջ 30 վստահված անձինք կշջեն երկրի տարածաշրջաններում եւ կհավաքեն կոալիցիայի նախընտրական ծրագրին վերաբերող առաջարկություններ, եւ տարածաշրջաններում առկա խնդիրները կարձանագրեն: Այդ մասին ասել է «Եդինայա Ռոսիա» իշխանական կուսակցության գործադիր կոմիտեի ղեկավար Անդրեյ Վորոբյովը՝ վստահեցնելով, թե այդ մարդիկ իսկական պրոֆեսիոնալներ են, նրանց թվում են հեռուստալրագրող Ալեքսեյ Պիմանովը, կինոռեժիսոր Ֆյոդոր Բոնդարչուկը, մարզիկ Ալեքսանդր Կարելինը, Պետդումայի պատգամավոր Արթուր Չիլինգարովը, «Գործարար Ռուսաստան» կազմակերպության ղեկավար Բորիս Տիտովը:
Համառուսաստանյան ժողովրդական ճակատի վերջնական ծրագիրն ընդունվելու է «Եդինայա Ռոսիա» կուսակցության համագումարում, որը տեղի է ունենալու սեպտեմբերին:
