Այսօր Իջեւանում՝ Տավուշի մարզպետարանի դիմացի պուրակում, կբացվի Ջեմմա Անանյանի արձանը: Խորհրդային տարիներին Իջեւանի շրջանի երկարամյա ղեկավարը այժմ 80 տարեկան է եւ այսօր ՀՀ Սփյուռքի նախարար Հրանուշ Հակոբյանի խորհրդականն է: Ջեմմա Անանյանը ինքնակենսագրական «Հայոց օջախը՝ պատանդ» վերնագրով գիրք է հեղինակել: Իջեւանի թիվ 1 դպրոցի բակում արդեն տեղադրված է նրա ամուսնու՝ բազմավաստակ ուսուցիչ, կյանքից վաղաժամ հեռացած Սպարտակ Սարգսյանի կիսանդրին: Ջեմմա Անանյանի՝ Հայաստանի կոմունիստական կուսակցության Իջեւանի շրջկոմի առաջին քարտուղար աշխատած տարիներին կառուցվել են բազմաթիվ գեղեցիկ շինություններ, որոնք ձեւավորել են Իջեւանի ճարտարապետական յուրօրինակ ոճը:
