Քվեարկությունը շարունակվում է

Եթե դուք համարում եք, որ ձեր ձայնը հասանելի չէ հեռուստաեթերով, ապա ստեղծեք ձեր սեփական հեռուստաընկերությունը՝ ի դեմս «Ժողովրդական հեռուստաալիքի»:

Ձեր քվեն՝ խորհրդանշական գումարի տեսքով, իրականություն կդարձնի ՁԵՐ հեռուստաընկերության գոյությունը համացանցում եւ արբանյակային հեռարձակմամբ՝ ալիքների շարքում:

Ի պաշտպանություն «Ա1+»-ի եւ ազատ խոսքի՝ մոտ հինգ ամիս առաջ ստեղծված «Ժողովրդական հեռուստատեսություն» հիմնադրամը շարունակում է իր գործունեությունը:

Չնայած Հեռուստատեսության եւ ռադիոյի ազգային հանձնաժողովը 2010թ. դեկտեմբերին ամփոփված թվայնացման մրցույթում այդպես էլ հաշվի չառավ 30000-ից ավելի քաղաքացիների կարծիքը եւ եթեր վերադարձի հնարավորություն չտրամադրեց «Ա1+»-ին, սակայն այս նախաձեռնության հեղինակները համարում են, որ դա պատճառ չէ՝ հրաժարվելու «Ժողովրդական հեռուստաալիքի» գաղափարից:

«Ժողովրդական հեռուստատեսության» հաղորդումները հեռարձակվելու են «Ա1+»-ով, ուստի «Ա1+»-ի հեռարձակման հնարավորությունների մեծացումը հզորացնում է «Ժողովրդական հեռուստաալիքի» պոտենցիալ լսարանը:

«Ժողովրդական հեռուստատեսություն» հիմնադրամը շարունակում է դրամահավաքը, որն ուղղվելու է «Ա1+»-ի ինտերնետ հեռարձակման հզորացմանը եւ արբանյակային սփռման ապահովմանը:

Ձեր ամենափոքր ներդրումն իսկ կարեւոր է այս գործի հաջողության համար: Դարձեք «Ժողովրդական հեռուստաալիքի» պատվիրատուն՝ ձեր նվիրատվությամբ իրականություն դարձնելով, ի դեմս «Ա1+»-ի, ՁԵՐ հեռուստաալիքի հեռարձակումը արբանյակով եւ ավելի մեծ հզորությամբ՝ ինտերնետում:

Դրամով փոխանցումների
դեպքում
«Առեքսիմբանկ-
Գազպրոմբանկի
խումբ» ՓԲԸ
«Մելտեքս» ՍՊԸ
AMD – Հ/Հ 23800-
01250350100