![\"\"](\"https://www.aravot.am/2011/aravot_arm/June/8/p30.jpg\")
Հայաստանցի գրոսմայստեր, շախմատի համաշխարհային օլիմպիադայի հաղթող Տիգրան Պետրոսյանը Հնդկաստանի Օրիսա Նահանգի Բհուբանեսվար քաղաքում անցկացված միջազգային ներկայացուցչական մրցաշարում, որում հանդես էին գալիս գերազանցապես այդ տարածաշրջանի առաջատար շախմատիստները, 220 մասնակիցների պայքարում 8,5 միավորով (11 հնարավորից) գրավել է երկրորդ տեղը: Ինչպես տեղեկացնում է «Armchess.am» կայքը, Տիգրանն ընդամենը կես միավոր է պակաս վաստակել հաղթող ճանաչված բելառուսցի գրոսմայստեր Ալեքսեյ Ալեքսանդրովից:
Մրցաշարին մասնակցել են նաեւ հայազգի գրոսմայստեր Սերգեյ Կասպարովն ու միջազգային վարպետ Տատյանա Կասպարովան: նրանք, համապատասխանաբար, 8,0 եւ 6,0 միավորով ըստ հաջորդականության հանգրվանել են 7-րդ եւ 6-րդ հորիզոնականներում:
