Հունիսի 7- 26-ը Հայաստանում տեղի կունենա Հենրի եւ Գերոնտի Թալալյանների անվան Ալտի եւ թավջութակի երկրորդ փառատոնը, որը ներկայացնում է «Արվեստների պատկերասրահ» մշակութային հիմնադրամը՝ ՀՀ մշակույթի նախարարության աջակցությամբ: «Մենք տեսնում ենք, որ Հայաստանում թավջութակը եւ ալտն անարժանաբար մոռացության են մատնվել: Փառատոնի նպատակն է` վերականգնել դրանց վաղեմի հանրաճանաչությունը»,- երեկվա ասուլիսին ասել է «Արվեստների պատկերասրահ» մշակութային հիմնադրամի նախագահ Մարիամ Շահինյանը:
