Երեւանում՝ Նորքի 7-րդ զանգվածում, բացվել է ՎիվաՍել-ՄՏՍ-ի նոր սպասարկման կենտրոն: Այն գործում է Ավետիսյան 48/1 հասցեում՝ «Սթար» սուպերմարկետի տարածքում: Սպասարկման կենտրոնն աշխատում է երկուշաբթիից շաբաթ, ժամը 9:00-ից 18:00-ը: Բացի այդ՝ 2011թ. հունիսի 2-ից օգոստոսի 31-ը, դառնալով «ՄՏՍ կոնեկտ» սակագնային պլաններից որեւէ մեկի կամ 3G երթուղիչի հիման վրա գործող որեւէ փաթեթի բաժանորդ, կարելի է ստանալ ոչ միայն գերարագ ինտերնետ, այլ նաեւ համալիր պաշտպանություն համակարգչի համար: Բաժանորդագրվելով նշված փաթեթներից որեւէ մեկին՝ բաժանորդը հնարավորություն կունենա բոլորովին անվճար օգտվելու աշխարհում լավագույններից մեկը համարվող՝ հանրահայտ Dr.Web հակավիրուսային ծրագրից:
