Ֆուտբոլի Հայաստանի ազգային հավաքականը երեկ ժամանել է Սանկտ Պետերբուրգ: «Armsport.am»-ի թղթակիցը տեղեկացնում է, որ օդանավը Ռուսաստանի հյուսիսային մայրաքաղաք ժամանել է 34 րոպե ուշացումով: «Պուլկովո» օդանավակայանում որեւէ նկարահանում կատարել թույլ չի տրվել: Օդանավակայանից մեր հավաքականը ուղեւորվել է «Մարիոթ Ռենեսանս» հյուրանոց, որի մուտքի մոտ նրան դիմավորել են ոչ մեծ թվով հայ եւ ռուս լրագրողներ: Նրանք հարցազրույցներ են վերցրել հատկապես ժամանակին Սանկտ Պետերբուրգի «Զենիթի» առանցքային խաղացողներ Սարգիս Հովսեփյանից եւ Ռոման Բերեզովսկուց:
Տեղեկացնենք, որ Ռուսաստան-Հայաստան հանդիպումը, ՈՒԵՖԱ-ի որոշմամբ, սպասարկելու է Ֆրանսիայի մրցավարական կազմը՝ Ստեֆան Լանուայի գլխավորությամբ:
