Ուդմուրտիայի իշխանություններն ու իրավապահ մարմինները փորձում են պարզել հրդեհի պատճառները, որոնք հանգեցրել են Մալոպուրինսկի շրջանի Պուգաչեւո գյուղի մոտակայքում տեղակայված զորամասում 102-րդ զինապահեստում արկերի բազմաթիվ պայթյունների: «Ինտերֆաքսի» հետ զրույցում հանրապետության ղեկավար Ալեքսանդր Վոլկովը հայտարարել է, թե՝ նախնական տվյալներով, արտակարգ պատահարը տեղի է ունեցել «մարդկային գործոնի» պատճառով, բայցեւ հավելել է, թե տեղի ունեցածի առնչությամբ ավելի մանրամասն խոսել կարելի կլինի միայն մանրակրկիտ հետաքննություն անցկացնելուց հետո:
BBC-ի մատուցմամբ, զինապահեստում բռնկված հրդեհի ու արկերի պայթյունների արդյունքում տուժածների թիվը հասել է 55-ի: Սա վերջին մեկուկես շաբաթվա ընթացքում Ռուսաստանում զինապահեստներում արկերի պայթյունի արդեն երկրորդ դեպքն է:
