![\"\"](\"https://www.aravot.am/2011/aravot_arm/June/3/p30.jpg\")
![\"\"](\"https://www.aravot.am/2011/aravot_arm/June/3/p28.jpg\")
Երգչուհի Նատաշա Կորոլյովան եւ իր ամուսինը՝ Սերգեյ Գլուշկոն (մերկապարող Տարզանը) նշել են իրենց համատեղ կյանքի 10-![\"\"](\"https://www.aravot.am/2011/aravot_arm/June/3/p32.jpg\")
ամյակը:
Dni.ru-ի փոխանցմամբ՝ հոբելյանական այս իրադարձությունը զույգը նշել է Ամստերդամում: «Այս իրադարձությունը մենք ամեն անգամ նշում ենք այնպես, ինչպես առաջին անգամ՝ հարսանեկան զգեստով, քողով: Լավ է, որ զարմուհիս սեփական հարսանյաց սրահ ունի: Ամեն անգամ նա ինձ տրամադրում է ամենագեղեցիկ ու նորաոճ հարսանյաց զգեստները»,- իր բլոգում գրել է երգչուհին:
«Այն օրը, երբ ճակատագիրն ինձ հանդիպեցրեց Սերգեյի հետ, ես անվանում եմ ծիրանի մուրաբայի օր, որովհետեւ մեր ծանոթության օրը նա ինձ ծիրանի մուրաբայով թեյ է հյուրասիրել»,- նշել է Նատաշան: «Եվ արդեն 10 տարի մենք միասին նայում ենք նույն ուղղությամբ: Ես շնորհակալ եմ ճակատագրին նման շրջադարձի համար: Մեր ամուսնության 10-ամյակին մենք գնացինք Ամստերդամի «Կարմիր լապտերների փողոց»՝ էրոտիկ, ես կասեի՝ պոռնոգրաֆիկ շոու դիտելու»:
Երգչուհին հավաստիացնում է, որ իր ու ամուսնու հարաբերությունները շատ ջերմ են, եւ իրենց բաժանության մասին լուրերը հերյուրանք են:
Ի դեպ, մայիսի 31-ին Նատաշա Կորոլյովան իր ծննդյան տարեդարձը նշել է Ամերիկայի Միացյալ Նահանգներում: Երկար տարիներ է՝ ![\"\"](\"https://www.aravot.am/2011/aravot_arm/June/3/p29.jpg\")
երգչուհու մայրն ու քույրը ապրում են Մայամիում: Իսկ Նատաշան, դեռեւս կոմպոզիտոր Նիկոլաեւի հետ ապրելու տարիներին, առանձնատուն էր ձեռք բերել այնտեղ: ![\"\"](\"https://www.aravot.am/2011/aravot_arm/June/3/p31.jpg\")
Նրա հարեւանությամբ Մայամիում տուն ունեն նաեւ ռուսական էստրադայի հայտնի դեմքեր Վալերի Լեոնտեւը, Քրիստինա Օրբակայտեն եւ Անժելիկա Վարում-Լեոնիդ Ագուտին զույգը:
