«Ինչու ամուսնացած չեք»

Բրեդ Փիթը պատրաստվում է իր սիրելիին՝ Անջելինա Ջոլիին տանել եկեղեցի։ Ինչպես գրում է «Daily Mail»-ը, 47-ամյա դերասանը լրջորեն մտածում է իր 6 երեխաների (3-ը դերասանների որդեգիրներն են, 3-ը՝ հարազատ երեխաները) մոր հետ ամուսնանալու մասին։

Բրեդն իր հարցազրույցներից մեկում հայտարարել էր, որ փոխել է ամուսնության վերաբերյալ իր վերաբերմունքը. «Երեխաները մեզ հարցնում են՝ ինչու ամուսնացած չեք։ Նրանց համար մեր ամուսնությունը շատ կարեւոր է»։

Երեխաներն իրենց աստղային ծնողների հետ շրջագայում են աշխարհով մեկ։ «Մեր ընտանեկան կյանքը ոչնչով չի տարբերվում մյուս զույգերի ամուսնական կյանքից։ Հանգստյան օրերին մենք միմյանց ներկում ենք, ապա միասին լոգանք ընդունում։ Ես երբեք չէի կարող պատկերացնել, որ այսքան ուժեղ սեր կզգամ»,- ասել է դերասանը։