Ամերիկյան «Warner Brothers» ընկերությունն այլեւս չի նկարահանելու հայտնի Բեթմենի մասին ֆիլմեր: Այս մասին հաղորդում է «Associated Press» գործակալությունը:
Ռեժիսոր Քրիստոֆեր Նոլանը հիմա նկարահանում է Բեթմենի մասին վերջին ֆիլմը, որը կոչվելու է «Սեւ ասպետի հարությունը»։ Այն կթողարկվի 2012 թ. հունիսին: Գլխավոր դերը կխաղա օսկարակիր Քրիստիան Բեյլը:
Նկարահանումներն իրականացվելու են միանգամից երեք մայրցամաքներում՝ ամերիկյան Փիթսբուրգում, Նյու Յորքում եւ Լոս Անջելեսում, ինչպես նաեւ Հնդկաստանում, Անգլիայում եւ Շոտլանդիայում:
Բեթմենի մասին կոմիքսները սկսել են լույս տեսնել դեռ 1940-ականներից: Բեթմենի մասին նախորդ երկու ֆիլմերը նրա հեղինակներին բերել են 1.3 մլրդ դոլար շահույթ:
