Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում, դատավոր Ռուբիկ Ներսիսյանի նախագահությամբ, նշանակվել էր ՀՀ փաստաբանների պալատի անդամ Մուրադ Ասրյանի՝ «Առավոտի» դեմ հայցով նախնական նիստը: Մ. Ասրյանը վիճարկում է այս տարվա փետրվարի 5-ի «Առավոտին» եւ «news.am»-ին դատում են նույն բանի համար» հոդվածը: Ըստ փաստաբանի հայցադիմումի, հոդվածով վիրավորվել են իր պատիվն ու արժանապատվությունը, գործարար համբավը: Երեկ մինչ դատական նիստը «Առավոտի» ներկայացուցիչը՝ փաստաբան Գեւորգ Գյոզալյանը հայցվորին խնդրել էր՝ միջնորդել դատական նիստը հետաձգել: Հայցվորը միջնորդեց, եւ դատական նիստը հետաձգվեց մինչեւ հունիսի 28-ը, ժ.15.20: Մինչ այդ բանավոր պայմանավորվածություն է ձեռք բերվել Մ. Ասրյանի հետ՝ հաշտության համաձայնագիր կնքելու համար:
