«Միջազգային ջրերում իրանական ներկայությունն ուժեղացնելու նպատակով Իրանը նախատեսում է սուզանավերի ժամանակակից նավատորմ կառուցել: News.am-ի փոխանցմամբ, այդ մասին PressTV-ին տված հարցազրույցում ասել է Իրանի ռազմածովային ուժերի հրամանատար, կոնտր-ծովակալ Հաբիբուլա Սայերին: Սուզանավերի շինարարությունն արդեն սկսվել է: Սայերին հայտնել է, որ խոսքը 500 տոննա կշռով սուզանավերի մասին է: Ներկայումս իրանական ստորջրյա տորմիղի հիմնական մասը կազմում են 120 տոննա քաշով Ghadir-ները: Դրանք արտադրվում են 2007 թվականից:
