Անսպասելի ցանկության պատճառը

Ինչպես գրում է «The Daily Mail»-ը, գիտնականները պարզել են, թե ինչու են մարդիկ երբեմն, օրինակ՝ խնձորի փոխարեն նախընտրում շոկոլադե սալիկ:

Հետազոտությունները ցույց են տվել, որ մեր օրգանիզմը ցանկանում է այն, ինչ իրականում անհրաժեշտ է իրեն:

Շոկոլադի կամ ոչ սննդարար ուտելիքի անհագ ցանկությունը պայմանավորված է մի շարք հոգեբանական գործոններով:

Լիդսի համալսարանի գիտնականները նշում են, որ նման «կաթվածները» ամենեւին կապված չեն սովի հետ:

Հոգեբան Լեյ Գիբսոնը նշում է, որ այդ երեւույթը կապված է մարդու ուղեղում մի շարք քիմիական ռեակցիաների հետ: Արդյունքում՝ ուղեղն սկսում է իր որոշակի գործունեությունը կապել հաճույքի հետ, որը սովորական երեւույթ է դառնում:

Ինչ վերաբերում է սթրեսին, ապա ծանր հոգեբանական դրության ժամանակ օրգանիզմը սկսում է կորտիզոլ հորմոնն արտադրել, որի ընթացքում մեծանում է քաղցրավենիք օգտագործելու ցանկությունը:

Հատկանշական է, որ կանայք քաղցրավենիք ուտելու ավելի շատ ցանկություն են ունենում, քան տղամարդիկ: Ապացուցված է նաեւ, որ նման երեւույթը պայմանավորված է մարդկանց անկայուն հոգեբանական վիճակով: