«Ա1+»-ի մատուցմամբ, երեկ, կառավարության նիստի օրը, բողոքող քաղաքացիներին միացել էին նաեւ նորերը: Օրինակ, 50- ամյա երաժիշտ Սուսաննա Գալստյանը շուրջ 7 տարի չի աշխատում, ժամանակին ավարտել է Երեւանի կոնսերվատորիան, այսօր նա կառավարությունից պահանջում է աշխատանք, որպեսզի կարողանա գոյատեւել: Նրա երեք երեխաներից երկուսը լքել են Հայաստանը՝ այլ երկրներում ապրելու միջոց հայթայթելու համար:
Կառավարության շենքի մոտ հերթական ակցիայի մասնակիցներին միացել էին նաեւ Երեւանի էստրադային -ջազային քոլեջի ուսանողները եւ դասախոսները, որոնք պահանջում էին մշակույթի նախարարի հրամանը անվավեր ճանաչել:
Քոլեջի դասախոս Քրիստինե Կարապետյանը «Ա1+»-ի հետ զրույցում ասել է, որ էստրադային- ջազային քոլեջը ունի ավելի քան 35 տարվա պատմություն եւ միավորելու դեպքում հարկ էր, որ 7 տարվա պատմություն ունեցող Մշակույթի քոլեջը միացնեին իրենց:
