![\"\"](\"https://www.aravot.am/2011/aravot_arm/May/27/p23.jpg\")
Հոլիվուդում նոր կինոնախագիծ են պատրաստում աշխարհի «թիվ մեկ ահաբեկիչ» Ուսամա բեն Լադենի ոչնչացման գործողության մասին:
Նկարահանումը ծրագրվում է սկսել արդեն ամռանը: Կինոնկարը, որը դեռ անվանում չունի, էկրաններ կբարձրանա 2012թ. չորրորդ եռամսյակում: Այդ մասին հաղորդում է news.am-ը: Ֆիլմի վարձույթով զբաղվելու իրավունք է ստացել «Columbia Pictures» կինոընկերությունը: Ռեժիսորը Քեթրին Բիգլոուն է (նկարում), ով առաջին կինն է, որ «Օսկարի» է արժանացել լավագույն ռեժիսորական աշխատանքի համար: Սցենարի հեղինակը նախկին լրագրող Մարկ Բոալն է, ով արձանիկ է ստացել Բիգլոուի «Փոթորկի տիրակալը» ֆիլմի համար:
Հիշեցնենք, որ Ուսամա բեն Լադենը սպանվել է մայիսի 2-ի գիշերը՝ Աբոթաբադ քաղաքում, ամերիկյան ծովային հետեւակայինների հատուկ գործողության արդյունքում:
