![\"\"](\"https://www.aravot.am/2011/aravot_arm/May/27/p16.jpg\")
Մայիսի 25-ին, ժամը 15.50-ի մատույցներում, Դիլիջան-Իջեւան ճանապարհին, Իջեւանից մոտ 8 կմ հեռավորության վրա, «Օպել» մակնիշի մեքենան դուրս է եկել հանդիպակաց գիծ, ապա հայտնվել ճանապարհից դուրս: Մեքենան ճանապարհից դուրս է եկել այն փոքր հատվածով, որտեղ բացակայում է ճանապարհի պաշտպանիչ մետաղյա արգելապատնեշը: Արդեն պաշտպանիչ արգելափակոցից դուրս, այն երկու անգամ հարվածել է թմբին:
Մեքենայի վարորդը՝ Իջեւան քաղաքի Պռոշյան փողոցի 13-րդ տան բնակիչ, 1978թ. ծնված Մհեր Դավթյանը ստացել է սրունքի կոտրվածք: Դեպքի վայր ժամանած շտապօգնության մեքենան վիրավոր վարորդին տեղափոխել է Իջեւանի հիվանդանոց:
Այս վթարը շատ տարօրինակ է: Ոստիկանության մեր աղբյուրը պնդում է, որ վարորդը հարբած չի եղել եւ կարծես դիտավորյալ դուրս է եկել հանդիպակաց գոտի, դրանից հետո էլ ընտրել ճանապարհի այն հատվածը, ուր պաշտպանիչ արգելափակոց չի եղել ու թռել է դուրս: Հրաշք է, որ մեքենան չի հայտնվել հարեւանությամբ հոսող Աղստեւ գետում: Ականատեսների վկայությամբ, պատահարի վայր ժամանած Մհերի եղբայրը նրան մի քանի անգամ հարցրել է. «Քեզ ո՞վ է զանգել»: Հնարավոր հեռախոսազանգը կարող էր ճակատագրական նշանակություն ունենալ:
