![\"\"](\"https://www.aravot.am/2011/aravot_arm/May/25/p26.jpg\")
Աննա Կուռնիկովան, ով համարվում է աշխարհի ամենասեքսուալ սպորտսմենուհին, նոր աշխատանքի է անցել: Թենիսիստուհին դարձել է ամերիկյան «Biggest loser» ռեալթի շոուի մասնակիցների մարզիչը: Սա մի շոու է, որտեղ ծանրաքաշ ամերիկացիները պայքարում են ավելորդ քաշի դեմ:
Անթերի մարմնով Աննան այս ծրագիր է եկել՝ փոխարինելու ֆիթնեսի մասնագետ Ջիլիան Մայքլսին, ով ![\"\"](\"https://www.aravot.am/2011/aravot_arm/May/25/p27.jpg\")
արդեն լքել է ծրագիրը, հաղորդում է dni.ru կայքը: Նախագծի ստեղծողները ընտրել են հենց Աննային, քանի որ այս շոուի նախորդ ծրագրերից մեկի ժամանակ Կուռնիկովան իր մասնակցությամբ մի քանի արդյունավետ ֆիզիկական վարժություններ էր սովորեցրել մասնակիցներին:
«Biggest Loser» ռեալթի շոուն ստեղծվել է 2004 թվականին եւ ԱՄՆ-ի ֆասթֆուդի սիրահար բնակիչների կողմից մեծ սեր է վայելում: Շոուի մասնակիցները մի շարք փորձությունների միջով են անցնում, այնուհետեւ ստուգվում է նրանց քաշը: Ով ավելի շատ կիլոգրամներ է կորցնում, նա էլ ստանում է դրամական պարգեւ:
Շոուի անվանումը թարգմանվում է «Ամենից շատ կորցնողը»: Ծրագրի հեղինակները հենց սկզբից են մտածել այս անվանման հետ կապված բառախաղը: «Loser»՝ նշանակում է «անհաջողակ», բայց «to lose» բայը նշանակում է «նիհարել, քաշը գցել»: «Biggest loser»-ը երկու ձեւով էլ կարող ենք թարգմանել՝ «Կատարյալ անհաջողակ» եւ «Ամենից շատ կորցնողը»: Հենց այս հումորային անվանման հետ է կապված շոուի ամբողջ իմաստը: Չէ՞ որ հաղթողին՝ արդեն հարստացած ամերիկացուն, ոչ ոք չի համարձակվի անհաջողակ անվանել:
