![\"\"](\"https://www.aravot.am/2011/aravot_arm/May/25/p25.jpg\")
Երկու օր առաջ Նյու Յորքում «Grammy»-ի եւ «Օսկարի» դափնեկիր ամերիկացի կոմպոզիտոր եւ պրոդյուսեր Ջոզեֆ Բրուքսը ինքնասպան է եղել:
73-ամյա կոմպոզիտորի մարմինը հայտնաբերել են իր Մանհեթենի բնակարանում՝ ցելոֆանե տոպրակը գլխին, սրբիչը վզին, վերջին նամակն էլ կողքին, սակայն որի բովանդակությունը դեռ չի հրապարակվել:
Արտասահմանյան լրատվամիջոցների փոխանցմամբ՝ Բրուքսը «Grammy» եւ «Օսկար» է ստացել 1977 թվականին «You Light Up My Life» («Դու լուսավորեցիր իմ կյանքը») երգի համար: Կոմպոզիտորը նաեւ հեղինակել է նույնանուն ֆիլմի սցենարը եւ հանդես է եկել որպես պրոդյուսեր:
Ըստ շրջանառվող լուրերի՝ կոմպոզիտորն ինքնասպանություն է գործել իր կատարած մեղքերի համար: Բրուքսը ձերբակալվել է կանանց բռնաբարելու մեղադրանքով, որոնց նա հրավիրում էր տուն՝ ձայնը ստուգելու պատրվակով: Իսկ ինքնասպանությունը գործել է դատական նիստի մեկնարկից առաջ:
