Մայիսի 22-ին «Զվարթնոց» օդանավակայանի տեղեկատու ծառայություն անանուն հեռախոսազանգ էր ստացվել, որ նույն օրվա Երեւան-Ամստերդամ չվերթի ինքնաթիռում ռումբ է տեղադրված: Ահազանգը կեղծ էր: ՀՀ ԱԱԾ մարմինների կողմից իրականացված օպերատիվ-հետախուզական միջոցառումների արդյունքում մայիսի 23-ին հայտնաբերվել ու ձերբակալվել է կեղծ ահազանգի հեղինակ, Երեւանի 43-ամյա բնակիչ, նախկինում 3 անգամ դատապարտված Հայկ Սուրիկի Վարդանյանը: Փաստի առթիվ ՀՀ ԱԱԾ քննչական վարչությունում կատարվում է նախաքննություն:
