Ադրբեջանում բացվել է միասեռականների առաջին կայքը՝ gay.az: 1news.az-ի փոխանցմամբ՝ սա սեռական փոքրամասնությունների առաջին կայքն է Կովկասում: Կայքի ստեղծողների կարծիքով՝ ազգային դոմենային անվան ստացումը կարեւոր առաջխաղացում է: Մոտակա ժամանակում նրանք պատրաստվում են կայքը դարձնել բազմաֆունկցիոնալ, մասնավորապես՝ տեղադրել նկարներ ու տեսանյութեր, նորություններ, ինչպես նաեւ բացել ֆորում, բլոգներ: Այս պահին կայքի մուտքն ազատ է միայն գրանցված օգտագործողների համար:
