![\"\"](\"https://www.aravot.am/2011/aravot_arm/May/21/p12.jpg\")
«Թալիբան» շարժման պակիստանյան կառույցը ստանձնել է Պեշավարում ամերիկյան դիվանագետների ավտոշարասյան պայթյունի պատասխանատվությունը: Reuters-ի մատուցմամբ, մեքենայում տեղադրված ռումբի պայթյունի արդյունքում տեղի մի բնակիչ է զոհվել, տասը հոգի վիրավորվել է: ԱՄՆ դեսպանատան ներկայացուցիչ Ալբերտո Ռոդրիգեսը հաղորդել է, թե Պեշավարում ամերիկյան հյուպատոսության աշխատակիցներից որեւէ մեկը չի զոհվել, բայց կան լուրջ վնասվածքներ ստացած անձինք: Ահաբեկչական ակտը տեղի է ունեցել ուրբաթ օրը, Պեշավարի գլխավոր ավտոմայրուղում: Աղբյուրի մատուցմամբ, հենց այդ շրջանում են ապրում արեւմտյան շատ դիվանագետներ: Պայթյունի հետեւանքով շարքից դուրս է եկել ամերիկյան հյուպատոսության երկու մեքենաներից մեկը:
