Մեկ օրում 1,5 մլն օրինակով վաճառված «Apple»-ի «iPhone 4» սմարթֆոնը եւ «App Store» օնլայն խանութը հայտնվել են Գինեսի ռեկորդների գրքում: 2010թ. հունիսի 24-ին՝ վաճառքի առաջին օրվա ընթացքում, «iPhone 4»-ը սպառվել է աննախադեպ ծավալով (1,5 մլն օրինակ)՝ սահմանելով ռեկորդ:
«iPhone»-ն ամբողջովին փոխեց ոչ միայն բջջային, այլ նաեւ խաղային ինդուստրիան», – մեկնաբանել է Գինեսի գրքի խմբագրակազմի ներկայացուցիչ Գազ Դիվսը:
Իսկ «Apple App Store»-ը ճանաչվել է խաղերի ամենամեծ խանութը: 2010թ. սեպտեմբերին «Store»-ում գրանցված էր 37362 խաղային հավելված, իսկ ընդհանուր ծրագրերի թիվն անցնում էր 259470-ը: Իսկ 2008թ. հուլիսից մինչ այսօր «App Store»-ից կատարված բեռնումների քանակը գերազանցել է 6,5 միլիարդը:
