![\"\"](\"https://www.aravot.am/2011/aravot_arm/May/18/p19.jpg\")
Մայիսի 16-ի երեկոյան հեղեղվել է անշարժ գույքի կադաստրի Նոյեմբերյանի տարածքային ստորաբաժանման շենքը: Պատճառը զուգարանում ջրի փականների անսարքությունն է: Ողջ շենքի հատակները ծածկվել էին ջրի 30 սանիտիմետրանոց շերտով: Ավելի քան երկու ժամ, ժամը 22-ից մինչեւ կեսգիշեր կադաստրի տարածքային ստորաբաժանման աշխատողները եւ շենքի հարեւանությամբ ապրող նոյեմբերյանցիները սենյակներից հեռացնում էին ջուրը: Կադաստրային բազմաթիվ գործեր թրջվել են: Դեռ հայտնի չէ, վնասվե՞լ են, արդյոք, տարածքային ստորաբաժանման համակարգիչները:
Նոյեմբերյանի միլիցիայի նախկին շենքն էր նորոգվել, վերափոխվել ու տրամադրվել կադաստրի տարածքային ստորաբաժանմանը՝ այս տարվա սկզբին: Մեր տվյալներով՝ շենքի նորոգման նպատակով պետբյուջեից ծախսվել է մոտ 130 հազար դոլարին համարժեք գումար:
