![\"\"](\"https://www.aravot.am/2011/aravot_arm/May/17/p23.jpg\")
Օրերս Գերմանիայի Նոյբրանդենբուրգ քաղաքում հայազգի բռնցքամարտիկ, առաջին ծանր քաշային Դավիթ Գրաֆը (Վահագն Սահակյան) մենամարտեց լատվիացի Գենադիս Մակարենկոյի հետ եւ երկրորդ ռաունդում նոկաուտով տապալեց ռինգի հատակին: Զինդելֆինգենցի հայազգի մարզիկը նախորդ մարտում ժամանակային յուրահատուկ ռեկորդ էր սահմանել՝ մրցակցին նոկաուտի ենթարկելով արդեն 5-րդ վայրկյանում: Վահագնի հաջողությունների գաղտնիքը նրա մենեջեր Ժիրայր Գրաֆը մեկնաբանում է մարզիկի՝ դեռ պատանեկան վաղ հասակից պարբերաբար ստացած լողի պարապմունքներով: Նրա սպորտային բազմակողմանի ունակություններն այժմ լավագույն ձեւով ի հայտ են գալիս բռնցքամարտում: Մենեջեր Ժիրայր Գրաֆը հուսով է, որ շուտով կունենանք բռնցքամարտի համաշխարհային եւս մեկ հայազգի աստղ:
