Երեկ հիվանդանոցից ոստիկանության Իջեւանի բաժնում հաղորդում է ստացվել, որ գիշերը ավտովթարի հետեւանքով ստացած վնասվածքներով իրենց մոտ է տեղափոխվել 25-ամյա Վիգեն Ա.-ն եւ 26-ամյա Աղասի Չիբուխչյանի դիակը:
Պարզվել է, որ մայիսի 15-ին, ժամը 23.00-ի սահմաններում, Ենոքավան գյուղից դեպի «Սպարտիկի աղբյուր» կոչվող տարածքում Ա. Չիբուխչյանին պատկանող «ԳԱԶ-66» մակնիշի ավտոմեքենան շրջվել է, ինչի հետեւանքով ուղեւորը ստացել է մարմնական վնասվածք, իսկ Ա. Չիբուխչյանը՝ տեղում մահացել:
Հանգամանքները պարզվում են:
