Մայիսի 15-ին ոստիկանության Գուգարքի բաժնում հաղորդում է ստացվել, որ 50-ամյա Արսեն Կիրակոսյանի վարած «ԳԱԶ-3110» մակնիշի ավտոմեքենան Ալավերդի-Վանաձոր ճանապարհի 32-րդ կմ-ին դուրս է եկել երթեւեկելի մասից եւ ընկել Փամբակ գետը:
Վարորդն ավտոմեքենայից դուրս է ցատկել եւ ներկայացել ոստիկանության Թումանյանի բաժին, իսկ 4 ուղեւորները մնացել են ավտոմեքենայի մեջ:
Ձորագետ համայնքի սկզբնամասում՝ Փամբակ գետում, հայտնաբերվել են 2 ուղեւորների՝ Ալավերդու բնակիչներ, 41-ամյա Արմեն Ասրյանի եւ 43-ամյա Մարատ Շախկուլյանի դիակները:
Ձեռնարկվում են միջոցառումներ մյուս ուղեւորներին՝ 54-ամյա Վահան Երիցյանին եւ 45-ամյա Հարություն Երզնկյանին հայտնաբերելու ուղղությամբ
