![\"\"](\"https://www.aravot.am/2011/aravot_arm/May/14/p26.jpg\")
Հոգեբանները հավաստիացնում են, որ տղամարդկանց որոշ ժեստեր իրենց նշանակությունն ունեն: Եվ այսպես, եթե տղամարդն ուղղում է փողկապը եւ կարգի բերում սանրվածքը՝ այդ ընթացքում ձգելով ստամոքսի մկանները, ապա նա աներկբայորեն փորձում է դուր գալ իր զրուցակից կնոջը: Տղամարդուն, որը փնտրում է սիրային արկածներ, կմատնեն ձեռքերը գրպանները դնելը: Երբ տղամարդը մեջքին է պահում իրար միացրած մատները, ապա նա առանձնապես չի վստահում իր զրուցակցին: Ըստ henaran.am-ի՝ սեթեւեթանքներն այս պարագայում դժվար թե հաջողությամբ պսակվեն, ասում են հոգեբանները: Իսկ ահա այն տղամարդը, որն անվերջ ժպտում է կնոջը եւ որսում նրա հայացքը, այսկերպ բացահայտորեն արտահայտում է իր համակրանքը կամ ռոմանտիկ վերաբերմունքը գեղեցիկ սեռի ներկայացուցչի հանդեպ:
