Թբիլիսիում շախմատի Եվրոպայի կանանց անհատական առաջնությունում Հայաստանի լավագույն շախմատիստուհի՝ գրոսմայստեր Էլինա Դանիելյանը վեց տուրից հետո 4,5 միավորով ընթանում է մրցաշարային աղյուսակի ութերորդ հորիզոնականում: Նրանից կես միավոր պակաս վաստակած Լիլիթ Գալոյանը 20-րդն է, իսկ մեր երրորդ առաջատար շախմատիստուհին՝ Լիլիթ Մկրտչյանը, 3,5 միավորով զբաղեցնում է 33-րդ տեղը: Մեր հանրապետության մյուս վեց ներկայացուցիչների արդյունքներն ավելի համեստ են:
