![\"\"](\"https://www.aravot.am/2011/aravot_arm/May/14/p12.jpg\")
Պակիստանի հյուսիս-արեւմուտքում գտնվող Շաբկադար քաղաքում, ռազմական պատրաստության բանակային կենտրոնի մուտքի մոտ, մահապարտի իրականացրած հարձակման արդյունքում առնվազն 80 մարդ է զոհվել: BBC-ի մատուցմամբ, այդ մասին հայտարարել է տեղի ոստիկանությունը: Հարձակման արդյունքում վիրավորված ավելի քան 100 մարդ, այդ թվում՝ 40-ը լուրջ վնասվածքներով, տեղափոխվել է հիվանդանոց: Ենթադրվում է, որ մահապարտները երկուսն են եղել:
Պակիստանի ոստիկանության ներկայացուցիչ Նիսար Խանի ասելով, զոհվածներից գրեթե բոլորը հիշյալ կենտրոնում ռազմական պատրաստություն անցնող նորակոչիկներ են եղել, որոնք պայթյունի պահին ավտոբուս նստելիս են եղել: Զոհվածների մեջ նաեւ քաղաքացիական անձինք կան: Պայթյունի հետեւանքով լիովին ոչնչացվել է մի քանի ավտոմեքենա:
Տեղի ունեցած ահաբեկչության պատասխանատվությունը ստանձնել է պակիստանյան «Թալիբան» շարժումը: Վերջինը դա համարել է Ուսամա բեն Լադենի սպանության համար վրեժի առաջին ակտը:
