Երեկ ոստիկանության Էրեբունու բաժնում հաղորդում է ստացվել, որ ժամը 01.30-ին, «Ֆոլքսվագեն պասսատ» մակնիշի ավտոմեքենայի վարորդը Արցախի փողոցի թիվ 1 շենքի մոտ վրաերթի է ենթարկել 64-ամյա Արարատ Ջանոյանին, որը տեղում մահացել է:
Մեկ այլ ահազանգ էլ ստացվել է Իջեւանի բաժնից. ժամը 23.50-ի սահմաններում «ՎԱԶ-21213» մակնիշի ավտոմեքենան Երեւան-Իջեւան ճանապարհին բախվել է «ԿամԱԶ-4310» ավտոմեքենայի, ինչի հետեւանքով «ՎԱԶ-21213»-ի վարորդը եւ ուղեւորը մարմնական վնասվածքներով տեղափոխվել են «Իջեւան» բժշկական կենտրոն, որտեղ կեսգիշերին 17-ամյա վարորդ Սեւակ Ալավերդյանը մահացել է:
