![\"\"](\"https://www.aravot.am/2011/aravot_arm/May/13/p21.jpg\")
Մայիսի 5-ին «Ում թուրը կկտրի» հրապարակմամբ տեղեկացրել ենք, որ Իջեւանի թիվ 4 դպրոցի մոտ գտնվել էին հնադարյան թուր եւ այլ գտածոներ: Դպրոցն ունի պատմության թանգարան եւ տնօրեն Ռոզա Խառատյանը ցանկանում էր այն համալրել կրթօջախի մատույցներում հայտնաբերվածով: Իջեւանի երկրագիտական թանգարանի տնօրեն Նարիման Թանանյանն էլ համոզված է, որ գտածոների տեղը իր գլխավորած թանգարանն է: Վեճին խառնվել էր ոստիկանությունը:
Իջեւանի երկրագիտական թանգարանի տնօրեն Նարիման Թանանյանը հայտնեց, որ Երեւանից մասնագիտական հանձնաժողով է եկել, ուսումնասիրել ցուցանմուշներն ու դրանք հանձնվել են Իջեւանի երկրագիտական թանգարանին: Երկրագիտական թանգարանի տնօրենը հայտնեց, որ գտածոների մի մասը՝ ամբողջական, մյուս մասը կոտրված ու վնասված վիճակում են:
