![\"\"](\"https://www.aravot.am/2011/aravot_arm/May/13/p17.jpg\")
Երեկ ՎՊ նախագահ Իշխան Զաքարյանը, ի թիվս այլ հարցերի, կրկին խոսել է այն մասին, որ քաղաքաշինության համակարգում արհեստականորեն մեծացվել են աշխատանքների ծավալները: «Արմինֆոյի» մատուցմամբ, նա փաստել է, որ իրավիճակն ավելի լավ չէ մշակույթի հուշարձանների վերականգնման պետական ծրագրի իրացման առնչությամբ: Մասնավորապես, չեն կազմվել հուշարձանների վերականգնման լրիվ նախահաշիվները, բացակայում են հուշարձանների վիճակի գնահատման հստակ չափանիշները, շինարարական աշխատանքներն իրականացվել են առանց համապատասխան թույլտվության: Հատկապես մտահոգություն է հարուցել ուռճացված նախահաշիվներ կազմելու փաստը, շինանյութերի շուկայի ուսումնասիրությունն իրականացվել է առանց նորմատիվային փաստաթղթերի առկայության:
