![\"\"](\"https://www.aravot.am/2011/aravot_arm/May/12/p1.jpg\")
![\"\"](\"https://www.aravot.am/2011/aravot_arm/May/12/p1-2.jpg\")
Երեկ Վանաձորում շինարարների մի խումբ հորդացող անձրեւի տակ քաղաքի գլխավոր՝ Թումանյանի փողոցում, հին հանրախանութի մոտ, ասֆալտապատման աշխատանքներ էր իրականացնում: Հատկանշական է, որ բանվորները ասֆալտը փռելուց առաջ, ասֆալտապատման համար փորված փոսերից բահերով հեռացնում էին ջուրը (որքանով դա հնարավոր է բահով անել), որպեսզի կարողանան փողոցն ասֆալտապատել: Վանաձորի բնակիչները «Առավոտի» ֆոտոթղթակցի հետ զրույցում խոստովանել են, թե՝ առաջին անգամ են տեսնում, որ անձրեւի տակ ասֆալտապատման աշխատանքներ կատարվեն: «Էս ասֆալտից մի քանի ժամ անց ոչինչ չի մնա: Իսկ քաղաքապետարանն ու մարզպետարանը փողերի կլասիկ լվացում են անում: Անձրեւը փողոցն է լվանում, իրենք էլ՝ փողերը»,- դառը կատակով ասել են վանաձորցիները՝ հիշեցնելով, որ ՀՀԿ-ական քաղաքապետի եղբայրը՝ Սեյրան Դարբինյանը, «ասֆալտի գործ» է անում, իսկ Վանաձորի փողոցները մինչեւ հիմա առանց ասֆալտի են:
