Ոստիկանության Մալաթիայի բաժնում հաղորդում է ստացվել, որ «Հրազդան» տոնավաճառի մոտ «Մերսեդես» մակնիշի ավտոմեքենայի վարորդը ծեծի է ենթարկել 32-ամյա Գուրգեն Գ.-ին՝ պատճառելով վնասվածքներ:
Ոստիկանության ծառայողները պարզել են, որ «ՎԱԶ-2107» մակնիշի ավտոմեքենայով «Հրազդան» տոնավաճառի մոտ շրջադարձ կատարած Գուրգեն Գ.-ին հետեւից ձայնային ազդանշաններ է տվել «Մերսեդես» մակնիշի ավտոմեքենայի վարորդը, կանգնեցրել ավտոմեքենան եւ բացելով դուռը՝ ձեռքերով ու ոտքերով հարվածել Գուրգեն Գ.-ի դեմքին ու մարմնին: «Մերսեդեսի» 20-ամյա վարորդը՝ Արսեն Խ.-ն, հրավիրվել է բաժին:
Գուրգեն Գ.-ին տրվել է դատաբժշկի ուղեգիր:
