![\"\"](\"https://www.aravot.am/2011/aravot_arm/May/10/p33.jpg\")
Նման եզրակացության են եկել Մինեսոտայի համալսարանի գիտնականները լայնածավալ հետազոտության արդյունքում:
Ուսումնասիրության ղեկավար Ադնան Քուրեշին իր գործընկերների հետ վերլուծել է 30-75 տարեկան 4435 ամերիկացու առողջական վիճակը: Կամավորների գրեթե կեսը (2435 մարդ) տանը կատու էր պահում կամ երբեւէ պահել էր: Կամավորների հետազոտությունը տեւեց 10 տարի:
Պարզվեց, որ կատու պահող մարդկանց ինֆարկտի հավանականությունը 30%-ով փոքր էր՝ կատու չպահողներից: Քուրեշիի խոսքերով, իրենք սպասում էին նման արդյունքի, սակայն ոչ այսքան զգալի:
Դեռեւս ստույգ հայտնի չէ, թե ինչու են կատու պահող մարդիկ ավելի քիչ հակված ինֆարկտի ու սրտանոթային հիվանդությունների զարգացման: Ենթադրվում է, որ կենդանին օգնում է տիրոջն ավելի թեթեւ տանել սթրեսային վիճակները: Միեւնույն ժամանակ, չի կարելի բացառել եւ այն փաստը, որ կատու պահող մարդիկ բնույթով ավելի կայուն են, հանգիստ:
Ուսումնասիրության արդյունքները ներկայացվել են Նոր Օռլեանում, անցած ամերիկյան ասոցիացիայի ամենամյա համագումարի շրջանակներում:
