![\"\"](\"https://www.aravot.am/2011/aravot_arm/May/10/p31.jpg\")
«Ոնց եք դուք ինձ հունից հանում…». ահա այսպես ֆոտոլրագրողների վրա բարկանալով՝ ասել է ռուսական էստրադայի սիրված երգչուհի Իրինա Ալեգրովան, վերջերս կայացած «Disco ՊՈփՈ» համերգից հետո, երբ նրան փորձել են լուսանկարել: NEWSmusic.ru-ն նշում է՝ երգչուհին իր պահվածքը կապել է համերգից հետո չափից շատ հոգնածության հետ:
Իրինայի խոսքերով, ինքը շարունակ աշխատում է, պարբերաբար համերգների մասնակցում, ինչի հետեւանքով էլ շատ քիչ է տանը լինում: Եվ քանի որ վերջերս է վերադարձել երկու ամսից ավելի տեւած հերթական շրջագայությունից, արդեն հանգստանալու կարիք ունի: «Նախատեսել եմ ունենալ երկարաժամկետ հանգիստ»,- ասել է նա՝ հավելելով, որ վերջին շրջանում կայացած իր համերգները բավականին շատ են հոգնեցրել իրեն: Եվ թե ինչպես է պատրաստվում հանգստանալ Ալեգրովան, այդ մասով նա ոչինչ չի հրապարակել, զգուշանալով ֆոտոլրագրողներից:
