Երեկ երեկոյան խոշոր վթար է տեղի ունեցել Երեւանի Լենինգրադյան փողոցում, Լենինգրադյան-Շինարարներ փողոցների հատման մասում: Ինչպես տեղեկացնում է news.am-ը, Toyota Corolla մակնիշի 25 ՕՕ 110 համարանիշով մեքենան բախվել է մարդատար Ford մակնիշի 04 99 Լ համարանիշով միկրոավտոբուսին, որն իրականացնում էր Երեւան-Վանաձոր ուղերթը: Միկրոավտոբուսն իր հերթին հարվածել է «Ռենո» մակնիշի 70 ՏՍ 555 համարանիշի ավտոմեքենային։ Մինչ ոստիկանների ժամանելը, Toyota-ի վրայից հանել են համարանիշները։ Բախման արդյունքում Ford-ը շրջվել է։ 8 ուղեւորների տեղափոխել են «Արմենիա» բժշկական կենտրոն:
