Այսօր Թբիլիսիում մեկնարկում է դասական շախմատի Եվրոպայի կանանց 12-րդ անհատական առաջնությունը: Չեմպիոնի եւ մրցանակակիրների կոչման համար (շվեյցարական մրցակարգ, 11 տուր) պայքարի մեջ են մտնում 26 երկրի 132 շախմատիստուհիներ, որոնցից 62-ը գրոսմայստերի կոչում է կրում: Նրանց մեջ են նաեւ մեր հանրապետության ներկայացուցիչները՝ գրոսմայստեր Էլինա Դանիելյանը, միջազգային վարպետներ Լիլիթ Մկրտչյանը եւ Լիլիթ Գալոյանը, կանանց գրոսմայստեր Նելլի Աղինյանը, կանանց ՖԻԴԵ-ի վարպետներ Աննա Հայրապետյանը, Լիա Մարտիրոսյանը, Անահիտ Խառատյանը, ինչպես նաեւ Մարիա Գեւորգյանն ու Սիրանուշ Ղուկասյանը:
