Մայիսի 4-ին կալանավայրից ազատ են արձակվել մաքսանենգության փորձի համար դատապարտված Տավուշի մարզի Պտղավան գյուղի 6 երիտասարդներ: Նրանցից 4-ը դատապարտվել էին 6 ամսվա, երկուսը՝ մեկական տարվա ազատազրկման: Պտղավանցիները փորձել էին անօրինական կերպով Վրաստան տեղափոխել 80 շիշ «Նաիրի» կոնյակ եւ լվացքի ամրակներ («շպիլկա»): Պտղավանի համայնքապետը, ավագանին, գյուղի բնակիչները նախկինում չդատված, սոցիալապես անապահով երիտասարդներին ներում շնորհելու բազմաթիվ խնդրանքներ էին հղել պետական տարբեր կառույցների:
