Կուբայի 67-ամյա բնակիչ Խոսե Կաստելար Կայիրոն պատրաստել է 230 ֆուտ երկարությամբ (շուրջ 70 մետր) սիգար։ Այս մասին հայտնում է UPI-ը։
Նա միշտ աչքի էր ընկել անսովոր երկար սիգարներ պատրաստելով։ 2001 թվին Խոսեն պատրաստել էր 36, 2003-ին՝ 48, իսկ 2008-ին՝ 149 ֆուտ երկարությամբ սիգարներ։ Այս նոր սիգարի վրա Խոսեն աշխատել է այս տարվա ապրիլի 25-ից, սիգարի վերջնական փաթաթումն ավարտվել է մայիսի 3-ին։ Սիգարը պատրաստելիս նա օգտագործել է իր ֆերմայում աճեցված կուբայական ծխախոտահումքը։ Խոսեն հույս ունի, որ իր 70 մետրանոց սիգարը կներառվի Գինեսի ռեկորդների գրքում։ Այսօրվա դրությամբ ամենաերկար՝ 196 ֆուտ (շուրջ 60 մետր) երկարություն ունեցող սիգարը փաթաթվել է 2009թ. Ֆլորիդայում։ Ներկայումս Խոսեի սիգարը ցուցադրված է Հավանայի զբոսայգիներից մեկում։
