Կանադայի Թագավորական համալսարանի «Human Media» լաբորատորիայի գիտնականներն ստեղծել են «PaperPhone» համակարգչի նախատիպը: Այն ունի 9,5 դյույմանոց ճկուն ծալվող էկրան, որը պատրաստված է «E Ink» տեխնոլոգիայով: Գիտնականներն անվանում են սարքը «ճկուն iPhone», որը նման է ինտերակտիվ թղթի: Սարքը թույլ է տալիս զանգել, երաժշտություն լսել, էլ. գրքեր կարդալ: Այն շատ էներգիա չի օգտագործում: Գիտնականների խմբի ղեկավար Վերտեգաալի կարծիքով՝ ճկուն էկրանները շատ մեծ շուկայական հեռանկար ունեն:
