![\"\"](\"https://www.aravot.am/2011/aravot_arm/May/6/p25.jpg\")
Նա չի սիրում խոսել իր անձնական կյանքի մասին. խոսքը երգչուհի Սելինա Գոմեսի մասին է, ով միայն վերջերս է անկեղծացել ու խոստովանել, որ սիրահարված է Ջասթին Բիբերին: Պարզվում է, նրանք անցյալ տարվա դեկտեմբեր ամսից հանդիպում են: Եվ առաջին անգամ սիրահարված զույգը հրապարակայնորեն հայտնվեց «Օսկար» մրցանակաբաշխության ժամանակ: «Ես չեմ թաքնվում: Ես պարզապես սիրում եմ որոշ բաներ չբարձրաձայնել: Բայց ես արդեն 18 տարեկան եմ ու սիրահարված»,- հայտարարել է երգչուհին:
Ըստ theplace.ru-ի՝ հարցին, թե նա սիրահարված եղե՞լ է նախկինում, Սելինան պատասխանել է, որ ունեցել է առաջին սեր, սակայն սիրտը կոտրվել է, իսկ այժմ ետ նայել չի ուզում: Ավելին՝ նա կարծում է, որ դա սեր չի եղել:
Նրա խոսքերով, մարդիկ միայն հասուն տարիքում են կարողանում սիրել ու հասկանալ, թե դա ինչ է:
